ცხენით გასეირნება რანჩო Lost Ridge-ზე სიღნაღთან

აღწერა

ცხენით გასეირნება რანჩოს გარშემო ბორცვებსა და ველებზე, ციხე-ქალაქ სიღნაღის, ალაზნის ველისა და კავკასიონის ქედის ხედებით. გზად — სოფლები, ძველი ეკლესიები და ბოდბის მონასტერი. ცხენები მშვიდი, კარგად გაწვრთნილი, კავკასიური ჯიშისაა; ჯგუფს პროფესიონალი ადგილობრივი გიდები ახლავს, გასეირნება ნებისმიერი დონის მხედრისთვის შესაფერისია.

მოკლე გასვლები 1-დან 4 საათამდე გრძელდება; არის მრავალდღიანი ცხენოსნური მარშრუტებიც საქართველოს სხვადასხვა რეგიონში — ნახევარუდაბნოებიდან სუბტროპიკებამდე და ალპურ მაღალმთიანეთამდე, მათ შორის ლაშქრობასთან, კულტურასა და გასტრონომიასთან ერთად. გასეირნების შემდეგ — სამზარეულო საკუთარი პერმაკულტურული ბაღის პროდუქტებით, ოთახები ღამის გასათევად, ლუდსახარში Svia-ს კრაფტული ლუდი და Pheasant’s Tears-ის ნატურალური ღვინოები. რანჩოზე ასევე აწყობენ პიკნიკებს, ღვინისა და ლუდის დეგუსტაციებს, კულინარიულ მასტერკლასებსა და კორპორატიულ ღონისძიებებს.

მიმოხილვა